Уступіў на пасаду новы камандзір сіламі NATO ў Еўропе
- 4.05.2016, 20:04
Амерыканскі генерал Керціс Скапароці афіцыйна ўступіў на пасаду камандзіра аб'яднанымі сіламі NATO ў Еўропе.
На гэтай пасадзе Скапароці змяніў генерала Філіпа Брыдлава. Апошні прыняў удзел у цырымоніі перадачы паўнамоцтваў, якая прайшла ў штаб-кватэры NATO, паведамляе расейская служба BBC.
Аб прызначэнні Скапароці новым камандзірам стала вядома ў сярэдзіне сакавіка. Ягоную кандыдатуру прапанаваў прэзідэнт ЗША Барак Абама.
Скапароці раней камандаваў амерыканскім кантынгентам у Паўднёвай Карэі. На думку Пентагона, ён паспяхова справіўся са сваімі абавязкамі і цалкам гатовы прыняць камандаванне сіламі NATO ў Еўропе.
Гетманам сіламі NATO ў Еўропе традыцыйна прызначаюць амерыканскіх генералаў. Акрамя сіл NATO яны адказваюць і за ўвесь амерыканскі кантынгент, дыслакаваны ў еўрапейскіх дзяржавах.