Станіслаў Шушкевіч аб «парламенцкіх выбарах»: Людзям надакучыла тое, што робіцца

• 31.05.2016, 20:08

Калі б у Беларусі былі сапраўдныя выбары, у краіне быў бы іншы палітычны рэжым.

Мяркуецца, што Цэнтральная выбарчая камісія Беларусі 7 чэрвеня абвесціць пра пачатак кампаніі выбараў у палатку, якія павінны адбыцца ў першую нядзелю верасня.

У сувязі з гэтым былы старшыня Вярхоўнага Савета Беларусі, сябра Рады Беларускага Нацыянальнага Кангрэсу ад Беларускай сацыял-дэмакратычнай партыі ( "Грамада") Станіслаў Шушкевіч адказвае на пытанні журналіста Праваабарончага цэнтра "Вясна" пра асаблівасці чарговай "парламенцкай" выбарчай кампаніі, каментуе словы Аляксандра Лукашэнкі аб тым, што ў новы "парламент" павінны ўвайсці годныя людзі і кажа пра сваё асабістае стаўленне да выбарчага працэсу ў Беларусі.