У аўторак у Беларусі чакаецца да 28 градусаў цяпла

• 30.05.2016, 11:43

Уначы ў асобных раёнах, удзень на паўднёва-заходняй палове кароткачасовыя дажджы.

У асобных раёнах Беларусі 31 траўня чакаюцца навальніцы, у дзённыя гадзіны ўзмацненне ветру парывамі да 15-18 метраў у секунду, месцамі па Берасцейскай вобласці - моцныя дажджы, паведамляе БелТА.

Будзе пераменная воблачнасць. Уначы ў асобных раёнах, удзень пераважна на паўднёва-заходняй палове кароткачасовыя дажджы. У асобных раёнах рэспублікі навальніцы. Вецер усходні 5-10 метраў за секунду, парывы да 14 метраў у секунду, удзень месцамі да 15-18 метраў у секунду. Тэмпература паветра ўначы складзе плюс 12-17 градусаў, удзень будзе ад 22 да 28 градусаў цяпла.