Чыноўнікі не спяшаюцца перасаджвацца на «Джылі»

• 3.05.2016, 15:45

Нават тыя, хто закупляе кітайскія аўтамабілі, імкнуцца, каб гэта былі не «БелДжы».

Нягледзячы на заяву Лукашэнкі аб тым, што чыноўнікі, павінны перасесці на кітайска-беларускія аўтамабілі «БелДжы», кіраўнікі нават раённага і сельскай ўзроўню імкнуцца пазбегнуць гэтага «шчасця».

Пра гэта красамоўна сведчаць звесткі афіцыйнага сайта дзяржзакупак, сабраныя charter97.org.

Так, камунальнае сельскагаспадарчае ўнітарнае прадпрыемства «Сінкевіцкі» з Берасцейскай вобласці абвясціла тэндэр на закупку дызельнага аўто Great Wall H5. Аўтамабіль кітайскі, што амаль супадае з «пажаданнямі» Лукашэнкі але, на жаль, зусім не «айчынны» «БелДжы». Кошт, дарэчы, які вызначыла для сябе сціплае сельгаспрадпрыемства - $20 тысяч.

А вось рэдакцыя дзяржаўнай раённай газеты «Працоўная слава» з Валожына і зусім замахнулася на «буржуазную» «Шкоду». Праўда, кошт указаны больш сціплы - усяго 275 мільёнаў рублёў.