Пачынаюць адключаць ацяпленне ў дзіцячых садках і школах
- 3.05.2016, 9:52
У Менску 3 траўня пачнуць адключаць ацяпленне ў дзіцячых садках і школах у сувязі «са спрыяльным прагнозам надвор'я».
Ацяпляльны сезон з гэтага дня таксама скончыцца для бальніц, музеяў, архіваў і бібліятэк, паведамляе СТВ.
Летась у сталіцы падача цяпла ў садках, школах і ўстановах аховы здароўя была спыненая 24 красавіка.
Больш позняе адключэнне ацяплення сёлета выкліканае прахалодным надвор'ем, якое ўсталявалася ў Беларусі ў другой палове мінулага месяца.