Жазэ Мурынью атрымае 15 мільёнаў у выпадку перамогі ў Лізе чэмпіёнаў

• 28.05.2016, 10:23

Новы галоўны трэнер «Манчэстар Юнайтэд» Жазэ Мурынью ў выпадку поспеху каманды ў Лізе чэмпіёнаў атрымае 15 мільёнаў фунтаў стэрлінгаў.

Гэта сцвярджае партугальская газета Correio ды Manha.

У пятніцу ангельскі клуб афіцыйна абвясціў аб прызначэнні 53-гадовага спецыяліста. Кантракт з партугальцам разлічаны на 3 гады з магчымасцю падаўжэння яшчэ на сезон.

На рахунку «МЮ» тры перамогі ў галоўным клубным турніры Еўропы, апошні раз «чырвоныя д'яблы» бралі гэты трафей ў 2008 годзе ў Маскве, перамогшы ў фінале «Чэлсі». Мурынью выйграваў Лігу чэмпіёнаў двойчы - у 2004 годзе з «Порту» і ў 2010 годзе і з «Інтэрам».