Мытнікі канфіскавалі 111 тон яблыкаў на мяжы з Расеяй

• 26.05.2016, 17:55

Груз на мільярд рублёў везлі на шасці фурах з Беларусі ў Расею без фітасанітарных сертыфікатаў.

Мабільнымі падраздзяленнямі Аператыўнай мытні пры правядзенні спецыяльнага мерапрыемства ў Віцебскай вобласці канфіскавана больш за 111 тон яблыкаў, паведамляе прэс-служба Дзяржаўнага мытнага камітэта.

Садавіна ўвозіліся ў шасці грузавых транспартных сродках з Беларусі ў Расею без фітасанітарных сертыфікатаў, якія патрэбныя пры перамяшчэнні такіх тавараў па тэрыторыі Мытнага саюза.

Акрамя таго, усе фуры ішлі з падробленымі дакументах на адрас дзяржаўнага прадпрыемства ў Воршы, з якім у адпраўнікоў, як стала вядома, ніякіх дамоўленасцяў не існуе.

Аператыўнай мытняй аб выяўленых фактах распачаты адміністрацыйны працэс. Тавар "яблыкі свежыя", папярэднім ацэначным коштам больш за 1 млрд беларускіх рублёў, канфіскаваны.

За дапушчаныя адміністрацыйныя правапарушэнні суб'ектам гаспадарання пагражае штраф сумай да 50 базавых адзінак з канфіскацыяй тавару.