У цэнтры Менска на 10 дзён абмяжуюць рух транспарту

• 24.05.2016, 15:21

Абмежаванне звязанае з трэніроўкамі роты ганаровага каравула, якія будуць праходзіць у чэрвені.

У сувязі з правядзеннем трэніровак зводнай роты ганаровай варты 1, 3, 6, 8, 10, 13, 15, 17, 20 і 22 чэрвеня будзе часова абмежаваны рух транспартных сродкаў праспектам Машэрава ад вуліцы Даўмана да праспекта Пераможцаў.

Такая інфармацыя размешчаная на сайце прадпрыемства «Мінсктранс».

З 22.00 да 24.00 рух аўтобусаў маршрутаў №29, 44, 136 арганізуецца прасп. Машэрава, вул. М.Багдановіча, прасп. Пераможцаў у абодвух кірунках з прыпынкамі на змененым участку на «Ст.м. Няміга» і «Палац спорту».