Абаронца менскага «Дынама» блізкі да пераходу ў адзін са шведскіх клубаў

• 24.05.2016, 9:25

Абаронца менскага «Дынама» Раян Гундэрсан блізкі да пераходу ў адзін са шведскіх клубаў.

Пра гэта паведамляе Прессбол са спасылкай на bloggar.expressen.se. Агент хакеіста распавёў, што амерыканцам цікавіцца не толькі яго былы клуб «Брунэс», але і яшчэ пяць каманд вышэйшага дывізіёна чэмпіянату Швецыі.

Гундэрсан імкнецца падпісаць доўгатэрміновы кантракт. Трансфер можа адбыцца найбліжэйшым часам. У мінулым сезоне 30-гадовы хакеіст набраў 27 (5 + 22) балаў у 60 гульнях за менскае «Дынама» пры паказчыку карыснасці «-17».