У Воршы матацыкліст «пратараніў» таксі

• 15.05.2016, 12:50

У выніку аварыі абодва кіроўцы загінулі.

У Воршы матацыкл урэзаўся ў таксі, у выніку чаго абодва кіроўцы загінулі, паведамляе БелТА са спасылкай на кіраўніка аддзялення агітацыі і прапаганды ДАІ УУС Віцебскага аблвыканкама Алеся Сярогіна.

На скрыжаванні вул. Леніна з вул. Шаўчэнкі 15 траўня каля дзвюх гадзінаў ночы адбылося сутыкненне аўтамабіля таксі маркі «Нісан Альмера», за рулём яго быў 60-гадовы кіроўца, і матацыкла «Кавасакі», якім кіраваў 25-гадовы хлопец.

Ад атрыманых траўмаў абодва кіроўцы, жыхары Воршы, загінулі.

Паводле папярэдніх звестак, кіроўца іншамаркі выязджаў з другараднай дарогі на галоўную, па якой рухаўся матацыкліст. Прычыны і абставіны ДТЗ высвятляюцца, адбываецца следства.