Невядомы ў медыцынскай павязцы спрабаваў абрабаваць банк на плошчы Перамогі

• 20.04.2016, 18:08

Супрацоўнік «Беларускага народнага банка» выклікаў міліцыю, але зламысніку ўдалося ўцячы.

У Менску шукаюць зламысніка, які спрабаваў абрабаваць банк на плошчы Перамогі. Супрацоўнік банка выклікаў міліцыю, але зламысніку ўдалося ўцячы. Інцыдэнт адбыўся 19 красавіка ў першай палове дня ў аддзяленні «Беларускага народнага банка» на праспекце Незалежнасці.

- Невядомы мужчына паспрабаваў выкрасці грошы з касы банка. Супрацоўнік банка выклікаў міліцыю, але мужчына паспеў уцячы. Прыкметы шуканага: на выгляд 25-30 гадоў, рост 180-185 см, сярэдняга целаскладу, на твары была медыцынская павязка, на галаве чорная кепка з брылём. Быў апрануты: карычневая кароткая куртка, сінія джынсы, чаравікі чорнага колеру, - распавялі onliner.by у Партызанскім РУУС.