У Магілёве гарэў рынак «Быхаўскі»

• 15.04.2016, 10:11

15 красавіка а 00.21 магілёўскія выратавальнікі атрымалі паведамленне ад вартаўніка аб пажары на тэрыторыі рынка «Быхаўскі».

Калі работнікі МНС прыбылі да месца выкліку, гарэлі ўнутры міні-кавярні і гандлёвы павільён.

У выніку агнём у кавярні пашкоджанае абсталяванне і перакрыцце, у павільёне пашкоджаныя тавары - ламінат, плінтус, уцяпляльнік. Пацярпелых няма.

Як мяркуецца, прычына пажару - парушэнне правілаў эксплуатацыі электрасетак і электраабсталявання, паведамляе прэс-служба Магілёўскай абласной управы МНС.