Аляксандра Сасновіч: Прыносіць Беларусі перамогу - гэта цудоўна!

• 8.02.2016, 17:45

Беларуская тэнісістка Аляксандра Сасновіч пракаментавала выхад у плэй-оф Сусветнай групы Кубка федэрацыі.

У другім дывізіёне беларускі падолелі нацыянальную каманду Канады з агульным лікам - 3:2.

Нечаканасцю для многіх стала тое, што Вікторыя Азаранка падчас вызначальных матчаў Кубка федэрацыі прысутнічала на фінале Супербоўла, які праходзіў адначасова з бітвай беларускіх і канадскіх тэнісістак.

«Я была зараджаная на адзіночку», - распавяла Аляксандра Сасновіч tennis.by, - «рыхтавалася і разумела, што вельмі трэба гэты бал для каманды. Паказала нядрэнны тэніс, хоць магла і лепей згуляць. Калі б была трохі больш уважлівай, не спяшалася, магла згуляць 6:2, 6:2. Ёсць над чым працаваць: над сваімі слабымі бакамі. Старалася не думаць зусім аб пройгрышы Вольгі. Проста выйшла на матч, не надаючы гэтаму асаблівага значэння».

Аб парным матчы:

- Я заўсёды ведала, што Вольга вельмі добра ў пары гуляе. Вельмі спадабалася з ёй гуляць. Яна вельмі прыстойна злёту гуляе, усё добра робіць. Вельмі камфортная атмасфера была ў камандзе, і мы паказалі добры тэніс. Я год не гуляла ў пары і старалася рабіць усё, што магу. Вольга вельмі мяне падтрымала, і мы згулялі, як выдатная каманда!

Не цяжка было правесці тры няпростыя паядынкі за два дні?

- Вядома, гэта няпроста. Але я ў добрай фізічнай форме. Адпрацавала нядрэнны папярэдні сезон у Амерыцы, гатовая як фізічна, так і псіхалагічна. Галоўнае «галаву ў холадзе трымаць», і мне гэта ўдалося, чаму вельмі рада. Уся наша каманда - малайцы. Нават тыя, хто не гуляў, вельмі падтрымлівалі, шчыра заўзелі, і трэнеры, вядома. Прыносіць Беларусі перамогу - гэта цудоўна!

Якія далейшыя планы?

- Заўтра паляцім у Доху. Планую там добра патрэніравацца і паказаць свой найлепшы тэніс. Прайсці як мага далей у рэйтынгу і трапіць на Алімпійскія Гульні!