У Японіі пабудуюць дом вышынёй паўтара кіламетра

• 8.02.2016, 9:19

Узвядзенне будынка павінна адбыцца да 2045 года.

Кампанія Kohn Pedersen Fox Associates і Leslie E. Robertson Associates да 2045 года маюць намер узвесці ў Токіа жылы дом вышынёй 1,7 км, паведамляе The Independent.

Японскі хмарачос будзе ўдвая вышэйшы за знакамітую дубайскую вежу Бурдж Халіфа, якая цяпер валодае тытулам самага высокага будынка ў свеце.

Хмарачос пад назвай Sky Mile ( «Нябесная міля») зможа змясціць да 55 тысяч жыхароў і стане часткай «горада будучыні», размешчанага на ланцужку штучных астравоў у Такійскім заліве.

Акрамя жылых апартаментаў, у вежы размесцяцца гандлёвыя цэнтры, рэстарацыі, гатэлі, спартзалы, бібліятэкі і паліклінікі.