Эрдаган прапанаваў ЗША зрабіць выбар паміж Турцыяй і курдамі

• 7.02.2016, 19:44

Прэзідэнт Турцыі Рэджэп Эрдаган заклікаў ЗША зрабіць выбар паміж Анкарой і курдскімі сіламі з партыі «Дэмакратычны саюз».

Такім чынам турэцкі лідар пракаментаваў візіт пасланніка прэзідэнта ЗША ў сірыйскі горад Кобань, які знаходзіцца пад кантролем курдскіх сіл баявога крыла «Дэмакратычнага саюза», паведамляе korrespondent.net са спасылкай на AP.

«Як мы можам вам (ЗША) давяраць? Бо альбо я ваш партнёр альбо тэрарысты ў Кобані?» - сказаў Эрдаган.

Адзначым, што Анкара разглядае «Дэмакратычны саюз» як тэрарыстаў, звязаных з курдскай Рабочай партыяй Курдыстана, забароненай у Турцыі.

Нагадаем, 28 студзеня Эрдаган заявіў, што Анкара будзе рашуча змагацца з курдамі і іх жаданнем аўтаноміі на турэцкай тэрыторыі.

Раней Ізраіль зноў заклікаў міжнародную супольнасць прызнаць права курдаў на незалежную дзяржаву, якая мяжуе з Турцыяй і Іракам.

Анкара перыядычна бамбіць пазіцыі курдаў на поўначы Ірака і паўднёвым усходзе Турцыі. У сваю чаргу, курды нападаюць на турэцкіх паліцэйскіх і вайскоўцаў.

Курдыстан не мае пэўных натуральных межаў і падзелены паміж чатырма дзяржавамі - Турцыяй, Іранам, Іракам і Сірыяй.

На гэтай тэрыторыі да сярэдзіны 20 стагоддзя пражывала шмат габрэяў, якія пасля рэпатрыіраваліся ў Ізраіль.

Курдыстан у якасці незалежнай дзяржавы быў прызнаны міжнароднай супольнасцю 10 жніўня 1920 года, у межах, устаноўленых сусветным Арбітражным судом.

Курдскае дзяржаўнае ўтварэнне існуе толькі на тэрыторыі іракскага Курдыстана.