У панядзелак у Беларусі будзе да 9 градусаў цяпла

• 7.02.2016, 15:34

Найбольш цёплае надвор'е ўсталюецца на паўднёвым захадзе краіны.

Найбліжэйшым днём, 8 лютага, у Беларусі будзе воблачна з прасвятленнямі, паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

Уначы ападкаў не чакаецца, а ўдзень на паўночным захадзе краіны месцамі пройдуць невялікія дажджы. Акрамя таго, уначы і раніцай на асобных участках дарог магчыма галалёдзіца. Вецер будзе паўднёвы сярэдні, удзень парывісты. Тэмпература паветра ўначы складзе ад мінус 3 да плюс 2 градусаў.

Удзень паветра прагрэецца да 7 градусаў вышэй за нуль, а на паўднёвым захадзе Беларусі - да 9 градусаў цяпла.