Улады Менска ўзялі паўзу ў будаўніцтве арэнднага жылля

• 4.02.2016, 16:01

Улады Менска ўзялі паўзу на год у будаўніцтве арэнднага жылля праз адсутнасць бюджэтнага фінансавання.

«Будаўніцтва арэнднага жылля ў 2016 годзе не прадугледжанае ў сувязі з адсутнасцю бюджэтнага фінансавання», - паведаміў старшыня Менгарвыканкама Андрэй Шорац, паведамляюць афіцыйныя СМІ.

Ён адзначыў, што будуць уведзеныя два дамы арэнднага тыпу, будаўніцтва якіх было пачатае ў 2015 годзе.

Шорац праінфармаваў аб тым, што ў 2016 годзе ў Менску плануецца пабудаваць 735 тыс. кв.м жылля, у тым ліку 390 тыс. кв.м жылля для чаргавікоў, 97 тыс. кв.м з дзяржаўнай падтрымкай.