Міністр ЖКГ: Насельніцтва плаціць амаль 100% камунальных паслуг, акрамя ацяплення

• 12.02.2016, 15:09

Ацяпленне будзе даражэць у найбліжэйшыя гады.

Міністр жыллёва-камунальнай гаспадаркі Беларусі Аляксандр Церахаў заявіў, што насельніцтва ўжо аплачвае камунальныя паслугі амаль на 100%, акрамя ацяплення.

Пры гэтым кіраўнік міністэрства адзначыў, што паслугі водазабеспячэння аплачваюцца прыкладна на 70%, а кампенсацыя выдаткаў на тэхнічнае абслугоўванне дасягнула амаль 85%.

Разам з тым паслугі ацяплення аплачваюцца пакуль толькі на 15% ад рэальнага кошту паслугі, заявіў міністр у інтэрв'ю тэлеканалу АНТ.

Чакаецца, што беларусы выйдуць на поўную кампенсацыю выдаткаў на паслугі ЖКГ да канца 2018 года.