Грамадзянка Расеі да смерці збіла 7-гадовага сына за памылкі ў сшытку

• 10.02.2016, 14:05

У Томску 28-гадовая жанчына да смерці збіла свайго сына пасля таго, як дзіця не змагло справіцца з адным з заданняў.

Трагедыя адбылася ўвечары 7 лютага, калі хлопчык сеў рабіць урокі, а ягоная мама наважылася пракантраляваць навучальны працэс. Аднак нервы жанчыны не вытрымалі, калі дзіця не змагло справіцца з адным з заданняў, і яна пачала наносіць удары па малому.

Калі хлопчык падчас збіцця страціў прытомнасць, мама спалохалася і выклікала хуткую дапамогу, аднак дзіця не ўдалося выратаваць. Жанчына была затрыманая ў якасці падазраванай, падчас допыту яна дала прызнальныя паказанні, паведамляе выданне «Сёння».