Прэзідэнт Літвы станцавала на Масленіцу

• 10.02.2016, 10:29

У цэнтры Вільні 9 лютага адзначылі Масленіцу, адбылося шэсце пераадзетых у строі, якія «прадавалі» зіму і запрашалі паспытаць бліны.

Віленчукі частавалі блінамі ў дворыку Дома настаўніка, потым усе сабраліся на плошчы Давкантаса ля будынка прэзідэнцкага палаца. Там у натоўпе апынулася і прэзідэнт Літвы Даля Грыбаўскайтэ. Яна распавяла, што раніцай сама смажыла бліны, якімі пачаставала сваіх дарадцаў і жыхароў Вільні.

У сераду ў каталікоў - Папелец і пачынаецца пост. Вялікдзень католікі і пратэстанты святкуюць 27 сакавіка, а праваслаўныя - 1 траўня.