Зміцер Дашкевіч: Мы вывесілі сцягі, каб падняць настрой беларусам

• 8.12.2016, 11:17

Сёння раніцай актывісты «Маладога фронту» вывесілі на праспекце Незалежнасці 25 бел-чырвона-белых сцягоў.

Сваю акцыю яны прымеркавалі да 25-годдзя распаду СССР, піша БелаПАН.

- Мы сёння тут сустрэліся з сябрамі, каб адсвяткаваць 25-ю гадавіну развалу імперыі зла. Паднялі бел-чырвона-белыя сцягі ўздоўж праспекта, па абодва бакі, ад паштамта да будынка КДБ. Мы вывесілі сцягі, каб у гэты святочны дзень падняць настрой грамадзянам, якія едуць на працу, на вучобу, - распавёў лідар «Маладога Фронту» Зміцер Дашкевіч.