У Аргенціне страйкуюць дзясяткі тысяч работнікаў нафтагазавай галіны

• 6.12.2016, 9:33

У страйку ўдзельнічаюць работнікі сланцавага радовішча Вака Муэрта.

Блізу 23 тысяч работнікаў нафтагазавай галіны Аргенціны пачалі 48-гадзінны страйк. Людзі пратэстуюць супраць пастановы дзяржаўнай кампаніі YPF звольніць як мінімум 1600 супрацоўнікаў, піша Корреспондент.

У страйку ўдзельнічаюць работнікі сланцавага радовішча Вака Муэрта, дзе сканцэнтраваны адзін з найбуйнейшых у свеце запасаў нетрадыцыйных вуглевадародаў. Інвестыцыі ў гэты раён рабілі такія вядомыя сусветныя кампаніі, як Chevron і ExxonMobil, аднак ён усё яшчэ не даследаваны цалкам.

YPF – асноўная нафтагазаздабыўная кампанія Аргенціны, лідар ва ўсіх галіновых сегментах. Доля кампаніі на рынку краіны перавышае 43%. Кампанія кіруе трыма нафтаперапрацоўчымі заводамі, а таксама сеткай з больш чым 1,5 тысячы заправачных станцый. Адзначым, тры гады таму Аргенціна стала чыстым імпарцёрам энергарэсурсаў у сувязі са зніжэннем ўнутранай здабычы нафты і газу на фоне пагаршэння інвестыцыйнага клімату.

Нагадаем, у кастрычніку акцыя супраць жорсткага абыходжання з жанчынамі ў Аргенціне завяршылася сутыкненнямі з паліцыяй.