Пуцін заявіў аб жаданні «паспяхова закончыць сваю кар'еру»

• 5.12.2016, 21:13

Прэзідэнт РФ таксама прызнаўся, што хоча «паглядзець на прыроду».

Прэзідэнт Уладзімір Пуцін на сустрэчы з работнікамі ТАА «Этэрна» ў Чэлябінску заявіў, што разлічвае паспяхова закончыць сваю кар'еру і марыць павандраваць, паведамляе «Інтэрфакс».

Адзін з работнікаў задаў прэзідэнту пытанне, якая ў яго ёсць мара. «Я хачу паспяхова закончыць сваю кар'еру», — адказаў Пуцін. Адказваючы на пытанне аб тым, ці ёсць у яго хобі, якім бы ён хацеў заняцца, прэзідэнт прызнаўся, што «вельмі любіць падарожнічаць».

«Сёння ўсе мае падарожжы зводзяцца да таго, што я прыязджаю ў аэрапорт, з яго перабіраюся ў нейкае памяшканне, потым назад у аэрапорт, вось быццам кудысьці з'ездзіў», — распавёў Пуцін. Паводле ягоных слоў, яму хацелася б падарожнічаць «па-іншаму», «паглядзець на прыроду, на нейкія гістарычныя славутасці».

Прэзідэнт РФ раней не даваў дакладнага адказу на пытанне аб тым, ці будзе ён удзельнічаць у прэзідэнцкіх выбарах у 2018 годзе. Ён адказваў, што казаць пра гэта «абсалютна заўчасна». У інтэрв'ю Bloomberg ён удакладніў, што пастанова будзе залежаць ад таго, ці будуць рэалізаваныя «планы і задачы, якія мы перад сабой ставілі... падвышэнне жыццёвага ўзроўню людзей, развіццё эканомікі, сацыяльнай сферы, падвышэнне абараназдольнасці краіны». У гэтым інтэрв'ю ён таксама апісаў, якім, на ягную думку, павінен быць будучы лідар Расеі. «Зыходжу з таго, што будучы лідар павінен быць дастаткова маладым чалавекам, але спелым», — адказаў кіраўнік дзяржавы на пытанне журналістаў.

У сакавіку 2015 года Уладзімір Пуцін дапусціў, што на выбарах кіраўніка дзяржавы ў 2018 годзе можа быць абраны іншы чалавек.