Уладзімір Журавель стаў галоўным трэнерам берасцейскага «Дынама»

• 5.12.2016, 9:47

Вядомы беларускі спецыяліст падпісаў кантракт з футбольным клубам «Дынама-Берасце» і стаў галоўным трэнерам каманды.

Пра гэта паведамляе афіцыйны сайт клуба. Кантракт уваходзіць у дзеянне з 1 студзеня 2017 года і разлічаны на тры гады.

Мінулы сезон Уладзімір Журавель правёў у «Гомелі», здолеў вывесці каманду ў вышэйшую лігу з маладым складам з чыстага першага месца.

«Я рады далучыцца да «Дынама-Берасця». Гэты клуб мае ўсе магчымасці для таго, каб змагацца за самыя высокія месцы. Я ўжо азнаёміўся з інфраструктурай, наведаў некалькі матчаў каманды, прасякнуўся выдатнай атмасферай на стадыёне. Упэўнены, што нас чакае вельмі цікавы сезон», — сказаў Журавель.