Дзве беларускі ўвайшлі ў тузін наймацнейшых жаночага спрынту на Кубку свету

• 3.12.2016, 20:07

Французская біятланістка Мары Доран-Абер выйграла спрынтарскую гонку на этапе Кубка свету ў шведскім Эстэрсундзе.

Мары Доран-Абер (0+0) апярэдзіла на фінішы фінку Кайсу Макарайнен (0+1) і чэшку Габрыэлу Коўкалаву (0+0), піша tut.by.

Добрую гонку правялі і беларускі Надзея Скардзіна і Ірына Крыўко. Скардзіна (0+0) фінішавала 8-й, а Крыўко (0+0) — 11-й.

Надзея Пісарава (0+2), што вярнулася ў Кубак свету, стала 50-й, Дар'я Юркевіч (0+2) — 59-й, Анастасія Кінунэн (3+4) — 101-й.

У нядзелю 60 найлепшых паводле вынікаў спрынту возьмуць удзел у гонцы пераследу.