Менскае «Тарпеда»: Пастанова выслаць Салангіна не адпавядае заканадаўству
- 3.12.2016, 12:34
Менскае «Тарпеда», чый дырэктар Андрэй Салангін быў прымусова высланы з Беларусі, выступіла з зваротам да СМІ.
Прыводзім тэкст звароту:
– Выклікае занепакоенасць той факт, што грамадзяніна саюзнай нам дзяржавы – Расейскай Федэрацыі, дырэктара прафесійнага футбольнага клуба Беларусі, які ўваходзіць у Асацыяцыю «Беларуская федэрацыя футболу», без законных падставаў пазбаўляюць магчымасці працаваць на тэрыторыі нашай краіны і знаходзіцца тут разам з жонкай і двума няпоўнагадовымі дзецьмі, якія з'яўляюцца грамадзянамі Рэспублікі Беларусь.
Пастанова АГІМ пра высылку Андрэя Салангіна абсалютна супярэчыць дзяржаўнай палітыцы Рэспублікі Беларусі, у адпаведнасці з якой развіццё спорту ў краіне з'яўляецца адным з асноўных кірункаў.
Мы нагадаем, што менавіта Андрэй Вадзімавіч Салангін стаў ініцыятарам вяртання менскага «Тарпеда» прафесійнага статусу, прывабіў замежныя інвестыцыі. Дзякуючы ягонай працы быў адроджаны адзін з найстарэйшых футбольных клубаў Беларусі, які ў наступным годзе будзе святкаваць 70-годдзе. Пастанова пра высылку ставіць пад пагрозу развіццё клуба і ягоны ўдзел у чэмпіянаце Рэспублікі Беларусь.
Дырэктар менскага «Тарпеда» быў высланы з Беларусі на цягніку ў суправаджэнні канвою, які павінен кантраляваць перасячэнне мяжы.
Такая сітуацыя і меры выклікаюць вялікую занепакоенасць, звязаную з дзеяннямі і пастановамі Аддзела грамадзянстве і міграцыі, якія, на нашу думку, не адпавядаюць заканадаўству Рэспублікі Беларусь, – гаворыцца ў паведамленні на сайце менскага «Тарпеда».