У віленскім музеі КДБ адчынілася выстава беларускага фатографа

• 3.12.2016, 11:11

У Музеі ахвяраў генацыду адбылося адкрыццё выставы Максіма Сарычава пад назвай «Выкрадзеныя дні».

Гэты праект атрымаў гран-пры «Прэс-фота Беларусі – 2015» і ўяўляе з сябе серыю партрэтаў палітычных і грамадскіх актывістаў, затрыманых паводле палітычна матываваных прычынаў у 2014 – 2016 гадах.

Серыя здымкаў апавядае пра тое, што прапусцілі актывісты, трапіўшы ў турму. Партрэты былі знятыя ўжо пасля іх вызвалення з-пад варты.

Выставу можна будзе наведаць да 12 сакавіка 2017 года.