Лужкоў зняпраўдзіў інфармацыю аб клінічнай смерці

• 23.12.2016, 19:14

Экс-мэр Масквы распавёў аб стане свайго здароўя.

Экс-мэр Масквы Юрый Лужкоў назваў чуткамі інфармацыю аб сваёй клінічнай смерці.

«Усе гэтыя размовы аб клінічнай смерці – поўная лухта і няпраўда», — сказаў Лужкоў РІА Новости.

Ён растлумачыў, што лекары дыягнаставалі ў яго невялікае запаленне правага лёгкага праз вірусную інфекцыю.

«Мне зрабілі поўнае абследаванне, дыягназ і лячэнне зразумелыя. Праз дзень-другі я спадзяюся выйсці з лякарні і наведаць канцэрт майго сябра Міхаіла Турэцкага», — дадаў 80-гадовы экс-мэр сталіцы.

Раней шэраг СМІ паведаміў, што экс-мэр Масквы Юрый Лужкоў быў неадкладна шпіталізаваны, пасля таго як яму стала дрэнна ў будынку бібліятэкі МДУ. Ён адчуў сябе дрэнна яшчэ да наведвання МДУ і планаваў пазней пракансультавацца з лекарамі. Аднак падчас сустрэчы з рэктарам Віктарам Садоўнічым Лужкову стала горш. Са здагадак рэктара, экс-мэр быў прастуджаны і стомлены доўгім авіяпералётам.

Крыніца ў блізкім асяроддзі Лужкова удакладніла, што стан экс-мэра ацэньваецца медыкамі як нармальны.