У Brutto выйшаў кліп на песню «Чайка»

• 23.12.2016, 11:32

Песню Сяргей Міхалок напісаў яшчэ ў часы «Ляпісаў», яна ўвайшла ў альбом «Матрошка» 2014-га года.

Brutto прэзентавала live-відэа на песню «Чайка», якую Сяргей Міхалок напісаў яшчэ ў часы «Ляпісаў», яна ўвайшла ў альбом «Матрошка» 2014-га года. Трэк згуляны ў акустыцы.

Аўтарам відэа стаў украінец Дзмітрый Аўдзееў, які год таму выпусціў для Brutto ролік на песню «Вечирнє сонце».

30 снежня і 13 студзеня Сяргей Міхалок выступіць у сталічным Prime Hall з праектам «Ляпіс-98». Праграма канцэртаў будзе складацца з «класікі» «Ляпісаў».