Стала вядомая тройка найлепшых галоў сезону-2015/16

• 2.12.2016, 16:14

ФІФА назвала трох прэтэндэнтаў на прыз імя Ферэнца Пушкаша сезона-2015/16, які ўручаецца аўтару самага прыгожага гола.

У тройку фіналістаў гэтай ўзнагароды трапіла Данюска Радрыгес з юнацкай зборнай Венесуэлы, што забіла гол у брамы аднагодкаў з Калумбіі 14 сакавіка 2016 года, бразілец Марлон, які вызначыўся 21 красавіка 2016 года ў матчы «Карынтыянса» з «Кабрэсалем» і Мохд Фаіс Субры, які эфектна забіў гол у браму спаборніка ў чэмпіянаце Малайзіі 16 лютага 2016 года, паведамляе «Прессбол».

Як раней паведамляў сайт charter97.org сёння міжнародная федэрацыя футбола назвала шорт-ліст прэтэндэнтаў на званне найлепшага трэнера 2016 года.