The Rolling Stones выпусцяць першы за 11 гадоў студыйны альбом

• 2.12.2016, 10:01

Першы за 11 гадоў студыйны альбом рок-гурта The Rolling Stones паступіць у продаж 2 снежня.

Кружэлка пад назвай Blue&Lonesome ўключае кавер-версіі блюзавых кампазіцый.

Заходнія СМІ, каментуючы новы альбом калектыву, паспяшаліся адзначыць, што часцяком альбомы з кавер-версіямі наводзяць на думку аб намеры схаваць факт творчага крызісу, аднак гэта не тычыцца Blue&Lonesome.

Раней стала вядома, што альбом The Rolling Stones быў запісаны за тры дні. У кружэлцы, на якой 12 кампазіцый, можна пачуць каверы на творы Хаўліна Вулфа, Джымі Рыда, Вілі Дыксана і іншыя.