Стаў вядомы самы папулярны смартфон 2016 года

• 12.12.2016, 19:11

На другім месцы рэйтынгу апынуўся смартфон Samsung Galaxy S7 edge.

У выніку даследавання аналітычнай кампаніі Counterpoint Market Technology быў названы самы папулярны смартфон 2016 года. Узначаліў рэйтынг iPhone 7, што адзначаецца ў афіцыйнай справаздачы прадпрыемства, піша korrespondent.net.

Смартфон Apple стаў самым прадаваным ў 2016 годзе і прызнаны абсалютным бэстсэлерам.

На другім месцы апынуўся прадукт карэйскага канкурэнта - смартфон Samsung Galaxy S7 edge.

А замкнуў тройку самых запатрабаваных смартфонаў флагман HTC 10, які выйшаў у продаж у красавіку сёлета.

Таксама аналітыкі адзначылі, што ў лік самых запатрабаваных мадэляў смартфонаў уваходзяць Huawei P8 lite, Lenovo Vibe X3, Meizu M3 Note, OnePlus 3, LG G5 і Asus Zenfone 3.