Беларус ачоліць хакейную нацыянальную каманду Казахстана

• 7.11.2016, 16:54

У верасні былы трэнер нацыянальнай каманды Беларусі Эдуард Занкавец узначаліў казахстанскі хакейны клуб «Барыс».

Адказны сакратар Казахстанскай федэрацыі хакея з шайбай (КФХ) Глеб Каратаеў адзначыў, што да канца года галоўным трэнерам нацыянальнай каманды Казахстана будзе зацверджаны беларускі настаўнік «Барыса» Эдуард Занкавец. Ён заняў пасаду галоўнага трэнера астанінскай каманды 7 верасня, паведамляе «Прессбол».

— Пасяджэнне выканкама федэрацыі павінна адбыцца да канца года, — заявіў Каратаеў. — Традыцыйна галоўны трэнер «Барыса» працуе і з нацыянальнай камандай.