На НТВ жорстка пажартавалі з Лукашэнкі

• 28.11.2016, 15:59

Праз гэта 26 лістапада ў Беларусі знялі з эфіру расейскую сатырычную праграму «Міжнародная піларама».

Да нядаўняга часу «Міжнародную пілараму» з Тыгранам Кеасаянам рэгулярна паказвалі па НТВ-Беларусь, паведаміў сайту charter97.org чытач.

У выпуску праграмы 26 лістапада расейскія тэлевізійнікі жорстка пажартавалі з беларускага дыктатара. Вядоўца высмеяў рээкспарт Лукашэнкі ў Расею санкцыйных тавараў, праз які расейцы «ядуць яблыкаў у пяць разоў больш, чым іх вырастае ў Беларусі», распавёў пра беларускіх гастарбайтараў, што бягуць ад галечы і беспрацоўя на радзіме, «выбары», перапісванне Канстытуцыі, цалаванне Карана і незвычайную вяртлявасць дыктатара, праз якую ён пападае ў «нязручныя позы» то перад Расеяй, то перад Захадам.