Фотафакт: У Менску ад моцнага ветру дрэва ўпала на аўтамабілі

• 4.10.2016, 18:55

Пацярпела адразу тры аўтамабілі.

У выніку моцнага ветру на прыпаркаваныя ў двары аўтамабілі ўпала дрэва. Інцыдэнт адбыўся ўдзень 4 кастрычніка, піша tut.by.

У МНС распавялі, што ў двары дома №23 на вуліцы Бабруйскай дрэва ўпала на тры аўтамабілі: Peugeot, MAN і Audi. Пацярпелых няма, дапамога ратавальнікаў не спатрэбілася.

Нагадаем, што паводле прагнозаў на 4 кастрычніка ў многіх раёнах рэспублікі і Менску чакаецца моцны вецер парывамі да 15-18 м/с. Сіноптыкі абвясцілі аранжавы ўзровень небяспекі. На большай частцы тэрыторыі Беларусі моцны вецер парывамі да 15-20 м/с чакаецца таксама 5 і 6 кастрычніка.

- Пры моцным ветры магчымыя пашкоджанні і абрыў ліній сувязі і электраперадач, адключэнне электрычнасці ў населеных пунктах, пашкоджанне і абрынанне збудаванняў і будынкаў, падзенне дрэў. Рэкамендуем на час непагадзі шчыльна зачыніць вокны і дзверы, прыбраць са двароў і гаўбцоў гаспадарчыя рэчы, самаходы паставіць у гараж ці ж прыпаркаваць удалечыні ад дрэў, - нагадаў прэс-сакратар сталічнай управы МНС Віталь Дэмбоўскі.