Настаўніца з Аргентыны знайшла незвычайны спосаб зрабіць вучняў больш уважлівымі

• 29.10.2016, 19:34

Цяпер дзеці з задавальненнем ходзяць на заняткі і не сварацца праз дробязі.

Звычайна дзяцей вельмі цяжка зацікавіць урокамі і дамагчыся ад іх поўнага увагі. Але настаўніца з Аргентыны развязала гэтую праблему вельмі незвычайным спосабам: яна пасадзіла за школьную парту сабаку і цалкам змяніла паводзіны вучняў, піша adme.ru.

Сабака на мянушку Шчасліўчык часта забягала ў двор гэтай школы. Настаўніца заўважыла, што падчас перамены дзеці забываюць усе сваркі, кідаюць іншыя справы і аб'ядноўваюцца, каб пагуляць з улюбёнцам. Тады яна надумала прывесці Шчасліўчыка ў клас і паглядзець, як адрэагуюць вучні.

Высветлілася, што прысутнасць сабакі, які, дарэчы, не прапусціў ніводнага ўрока, змяніла вучняў, якія раней былі няўважлівымі. Дзеці сталі больш зацікаўленымі, пачалі ўважліва сачыць за ходам урокаў і ахвотней узаемадзейнічаць з настаўніцай. Цяпер дзеці з задавальненнем ходзяць на заняткі і не сварацца праз дробязі.