Беларусы адмаўляюцца ад мабільнай сувязі

• 27.10.2016, 17:01

За тры месяцы колькасць абанентаў сотавай сувязі скарацілася на 100 тысяч.

Міністэрства сувязі падвяло вынікі развіцця нацыянальнай інфармацыйна-камунікацыйнай інфраструктуры за 9 месяцаў 2016 года, піша belaruspartisan.org.

Пры гэтым паведамляецца, што сотавай рухомай электрасувяззю ахоплена 98,2 адсотка тэрыторыі краіны, на якой пражывае 99,9 адсотка насельніцтва, агульная колькасць абанентаў сотавай рухомай электрасувязі налічвае 11,4 млн.

Заўважым, што ў канцы ліпеня, паводле звестак Мінсувязі, агульная колькасць абанентаў сотавай сувязі налічвала 11,5 млн, гэта значыць, было на 100 тысяч абанентаў больш, чым цяпер.