Улады павялічваюць экспартныя падаткі на нафту

• 27.10.2016, 14:46

Кошты нафты і нафтапрадукты, якія вывозяцца за межы мытнай тэрыторыі ЕАЭС, будуць падвышаны з 1 лістапада.

Беларусь з 1 лістапада павышае экспартныя падаткі на нафту і нафтапрадукты, якія вывозяцца за межы мытнай тэрыторыі Еўразійскага эканамічнага саюза (ЕАЭС). Адпаведная пастанова змяшчаецца ў дакуменце Савета Міністраў ад 26 кастрычнiка 2016 г №877, паведамляе прэс-служба ўрада і tut.by.

Стаўка экспартнага падатку на сырую нафту будзе падвышаная з 91,9 даляраў ЗША да 92,7 даляраў ЗША за 1 тону. Падатак на прамагонны бензін падвысіцца з 65,2 даляраў ЗША да 65,8 даляраў ЗША за 1 тону, на таварныя бензіны - з 56,0 даляраў ЗША да 56,5 даляраў ЗША за 1 тону.

Падатак на лёгкія, сярэднія дыстыляты складзе 37,0 даляраў ЗША за 1 тону (быў 36,7 даляраў ЗША). Такі ж падатак устаноўлены ў дачыненні да дызельнага паліва, бензолу, талуолу, ксілолу, змазачных і іншых аліў.

У папярэдні раз стаўкі вывазных мытных падаткаў у дачыненні да сырой нафты і асобных катэгорый тавараў, выпрацаваных з нафты, мяняліся 1 кастрычніка і таксама былі падвышаныя.