Дзень нараджэння Гілары Клінтан: цікавыя факты

• 26.10.2016, 20:03

Кандыдатцы ў прэзідэнты ЗША споўнілася 69 гадоў.

Сёння, 26 кастрычніка, свой дзень нараджэння адзначае амерыканскі палітык, кандыдатка ў прэзідэнты ЗША Гілары Клінтан.

Ёй спаўняецца 69 гадоў. Podrobnosti.ua публікуюць цікавыя факты аб гэтай энэргічнай і неардынарнай жанчыне.

У яе ёсць Grammy

У 1997 годзе Гілары атрымала прэстыжную амерыканскую музычную прэмію Grammy за аўдыёверсію кнігі «Адна галава - добра, а дзве - лепш» аб праблемах выхавання дзяцей. Спадарыня Клінтан напісала некалькі літаратурных твораў і кнігу ўспамінаў «Жывая гісторыя».

Яна не садзіцца за стырно з 1996 года

У 2014 годзе, выступаючы перад чальцамі Нацыянальнай асацыяцыі прадаўцоў аўтамабіляў у Новым Арлеане, Клінтан заявіла, што з 1996 года ні разу не садзілася за стырно і што немагчымасць самастойна кіраваць аўтамабілем з'яўляецца адным з чыннікаў, што азмрочваюць яе жыццё ў якасці публічнага палітыка.

«Астатні раз, калі я садзілася за стырно, быў у 1996 годзе, я дагэтуль выдатна памятаю гэты дзень. На жаль, яго памятае і Сакрэтная служба, таму з тых часоў я ніколі не кіравала аўтамабілем сама», - цытуе Клінтан ВВС.

Яна зарабляла больш, чым муж

У 1990 годзе яе гадавы даход склаў 190 000 даляраў, у 1993 - ужо 250 000 даляраў, пры тым, што губэрнатарскі даход ейнага мужа быў 35 000 даляраў на год. У 1986-1992 гадах яна займала пасаду чальца рады дырэктараў Wal-Mart.