BE RU EN

Трамп апублікаваў планы на першыя 100 дзён магчымага прэзідэнцтва

  • 23.10.2016, 10:52

Кандыдат ад рэспубліканцаў таксама заявіў, што пачне дэпартацыю ўсіх імігрантаў, асуджаных за гвалтоўныя злачынствы.

Кандыдат у прэзідэнты ЗША ад Рэспубліканскай партыі Дональд Трамп распавёў аб планах на першыя 100 дзён свайго прэзідэнцтва ў выпадку перамогі на выбарах.

Як паведамляе тэлеканал CNN, Трамп абвясціў пра сваю праграму на выступе ў штаце Пенсільванія ў суботу.

Мільярдэр паабяцаў у найбліжэйшыя 10 гадоў знізіць падаткі для сярэдняга класа, стварыць 25 мільёнаў новых працоўных месцаў. У планах Трампа змяніць умовы пагадненняў аб Паўночнаамерыканскай зоне свабоднага гандлю і Трансціхаакіянскім партнёрстве. Кандыдат ад рэспубліканцаў таксама заявіў, што ў першыя 100 дзён прэзідэнцтва пачне дэпартацыю ўсіх імігрантаў, асуджаных за гвалтоўныя злачынствы. Ён прыгразіў спыніць выдачу віз грамадзянам тых краін, якія адмовяцца прымаць злачынцаў назад.

19 кастрычніка ў Злучаных Штатах прайшоў заключны тур дэбатаў перад выбарамі прэзідэнта. Паводле апошніх апытанняў, цяпер Трамп саступае Клінтан у сярэднім 7 адсоткаў. Выбары прэзідэнта ЗША пройдуць 8 лістапада.

Апошнія навіны