МУС Украіны спецыяльна закрыла інфармацыю пра справу Паўла Шарамета

• 21.10.2016, 20:04

Дарадца міністра ўнутраных спраў Украіны мяркуе, што інфармацыя, якая патрапіла ў адкрыты доступ, перашкодзіла следству.

Са слоў дарадцы міністра ўнутраных спраў Украіны Зарана Шкірака, са справай аб забойстве журналіста Паўла Шарамета працуе больш за 50 следчых.

«Ідзе дастаткова сур'ёзная праца. Працуе больш за 50 следчых. Робяць усе патрэбныя захады, але цяпер міністр МУС ужо аб гэтым абвясціў, мы закрылі інфармацыю пра дэталі следства, для таго каб не нашкодзіць. На першых этапах нам вельмі пашкодзіла тое, што шмат інфармацыі трапляла ў адкрыты доступ», - паведаміў 112.ua Шкірак.