Анатоль Капскі: Ліга павінна сабраць мільён даляраў

• 1.10.2016, 16:16

Кіраўнік БАТЭ выказаў ідэі наконт стварэння прафесійнай футбольнай лігі ў Беларусі.

«Я жорсткі чалавек ў дачыненні да прэсы, але не закрыты ад журналістаў. У прэсы вельмі выгадная пазіцыя. Што б ні адбылося: добра - мы раілі, дрэнна - яны дрэнна прыдумалі... Рабіць заўсёды складаней, чым ацэньваць зробленае.

Мяркую, што ліга патрэбная. Давайце развівацца паводле тэорыі малых спраў. Напрыклад, пачнём з таго, што ліга павінна сабраць мільён даляраў. Пры гэтым трэба весці маніторынг не толькі прыбыткаў, але і выдаткаў», - паведаміў у інтэрв'ю by.tribuna.com Анатоль Капскі.