Аўтамабіль Audi ў Менску пратараніў аўтобусны прыпынак

• 30.01.2016, 10:39

Audi A6 з гарадзенскімі нумарамі пратараніў аўтобусны прыпынак.

Здарэнне адбылося за некалькі хвілін да наступу 30 студзеня на скрыжаванні вуліц Калеснікава і Налібоцкай у мікрараёне Каменная Горка. На шчасце, пацярпелых не было, адзначае БелаПАН.

Прыпынак, а таксама пярэдняя частка аўтамабіля атрымалі значныя пашкоджанні. У легкавушцы ехала кампанія маладых людзей. Паводле слоў кіроўцы, машыну занесла на слізкай дарозе і вынесла на прыпынак, на якой у той момант нікога не было. Кіроўца сцвярджаў, што ён цвярозы і гатовы прайсці медагляд.