Прэзідэнт Еўрапарламента: ЕЗ павінен прадоўжыць ціснуць на Расею санкцыямі

• 3.09.2015, 9:52

Марцін Шульц падтрымлівае працяг ціску на РФ з дапамогай санкцый з адначасовай дапамогай Украіне ў правядзенні рэформаў.

Пра гэта ён заявіў у сваім выступе на 4-й летняй канферэнцыі кіраўнікоў замежных прадстаўніцтваў Еўразвязу ў сераду ў Брусэлі, піша «Укрінформ».

«У сувязі з тым, што Расея і ЕЗ з'яўляюцца суседзямі, мы павінны знайсці часовую пастанову. Нават калі гэта ўводзіць у фрустрацыю і патрабуе шмат цярпення, мы павінны выразна працягваць наш двухбаковы падыход: захоўваць крытычны ціск праз санкцыйны рэжым на Расею і адначасова ўзмацняць падтрымку ўнутраных рэформаў ва Украіне», - перакананы Прэзідэнт заканадаўчага органа ЕЗ.

Шульц зноў падкрэсліў, што Еўразвяз дзейнічае толькі для пошуку мірнага, палітычнага развязання канфлікту на ўсходзе Украіны і сітуацыі з нелегальнай анэксіяй Крыма Расеяй.