Тысячы жураўлёў сабраліся пад Мёрамі перад адлётам на поўдзень
- 20.09.2015, 15:47
Журавы з Беларусі, краін Балтыі, Скандынавіі і паўночнай Расеі кожны верасень збіраюцца ў раёне заказніка «Ельня».
Менавіта тут, на тэрыторыі Мёрскага і Шаркоўшчынскага раёнаў, знаходзіцца адно з самых буйных у Еўропе верхавых балот. Птушкі збіраюцца, каб перадыхнуць і падсілкавацца перад доўгім пералётам, паведамляе «Радыё Свабода».
Як раз у гэты час з'яўляюцца і журавіны. Дзясяткі тысяч птушак «пасуцца» на палях і балотах, пералятаючы з месца на месца. Праз пару тыдняў жураўліныя кліны адправяцца на зімоўку ва ўсходняе і паўднёвае Міжземнамор'е.