Парашэнка пасмяротна ўзнагародзіў загінулых ад гранаты пад Радай нацгвардзейцаў

• 1.09.2015, 21:56

Пасмяротна ордэнам узнагароджаныя старшы салдат Ігар Дзябрын, жаўнеры Аляксандр Косцін і Дзмітрый Сластнікаў.

Прэзідэнт Украіны Пятро Парашэнка ўзнагародзіў вайскоўцаў Нацыянальнай гвардыі, якія загінулі ў сутыкненнях пад Вярхоўнай Радай 31 жніўня ад выбуху гранаты, ордэнам За мужнасць III ступені пасмяротна, піша Новое время.

Як паведамляе прэс-служба прэзідэнта адпаведны ўказ Парашэнка падпісаў сёння, 1 верасня.

Паводле тэксту ўказа пасмяротна ордэнам узнагароджаны старшы салдат Ігар Дзябрын, жаўнеры Аляксандр Косцін і Дзмітрый Сластнікаў.

Акрамя таго, гэты ордэн атрымалі жаўнеры Дацюк Багдан Віктаравіч і старшы жаўнер Віталь Шыян.

Гэтым жа ўказам Парашэнка ўзнагародзіў медалём За вайсковую службу Украіне пяцёх жаўнераў і пяцёх афіцэраў.

Раней Пятро Парашэнка заявіў пра свой намер звярнуцца да ўрада з прапанова прысвоіць байцам Нацгвардыі, якія загінулі ў выніку выбуху ля сцен Рады, статус аналагічны ўдзелу ў АТА.

Паведамлялася таксама, што кіраўнік ГПУ Віктар Шокін заявіў аб атрыманні новых звестак, якія дазваляюць разглядаць трагедыю пад Радай як тэракт.