Станіслаў Багданкевіч: Без дадатковых пазык Беларусь чакае дэфолт
- 5.08.2015, 15:07
Калі Беларусь не атрымае дадатковых замежных пазык, золатавалютныя рэзервы скароцяцца ўдвая.
Гэта азначае дэфолт: краіна не зможа выплаціць 4 мільярдаў даляраў замежнай запазычанасці ў 2016 годзе. Пра гэта заявіў былы кіраўнік Нацбанку Станіслаў Багданкевіч, каментуючы «Беларускай праўдзе» аптымістычныя прагнозы цяперашняга старшыні Нацбанку і вечныя абяцанні Лукашэнкі.
«Замежныя банкі даюць ацэнку зыходзячы з зададзенасці, што ў другім паўгоддзі Беларусь павінна заплаціць амаль 3 мільярды даляраў, - сказаў ён. - Але ў Калавура, мабыць, ёсць інфармацыя, што Беларусь атрымае дадатковыя пазыкі ў Еўразійскім банку развіцця, у Расеі. Разлік на аплату замежных запазычанасцяў за кошт замежных пазык, а рэзервы застануцца некранутымі.
Калі не атрымаем замежных пазык, рэзервы скароцяцца на 2 мільярды даляраў як мінімум.
У ліпені зробленыя пікавыя выплаты для абслугоўвання замежнай і ўнутранай валютнай запазычанасці - 1,3 мільярда даляраў. Я мяркую, Беларусі засталося выплаціць блізу 3 мільярдаў: у 2015 годзе краіна абавязаная выплаціць прыблізна 4 мільярды даляраў замежнай запазычанасці. Я маю на ўвазе не толькі запазычанасць урада, але сумарную пазыку. Думаю, у Калавура ёсць падставы разлічваць на дадатковае падсілкоўванне. Таму што, калі не атрымаем падсілкоўванне, то рэзервы скароцяцца разы ў два».
Нагадаем, некалькі дзён таму аналітыкі аўстрыйскай банкаўскай групы Raiffeisen у ліпені другім разам у гэтым годзе перагледзелі прагнозныя ацэнкі наконт Беларусі. Экспэрты прынялі пастанову скарэктаваць прагноз у трох ключавых параметрах эканамічнага развіцця Беларусі.
Прынамсі, аналітыкі Raiffeisen, чые прагнозныя ацэнкі прыводзяцца ў эканамічным аглядзе даччынага беларускага банка, цяпер прагназуюць, што ВУП Беларусі ў 2015 годзе знізіцца на 3,5%.