Ганчарэнка не збіраецца вяртацца ва «Урал»

• 31.08.2015, 8:44

Віктар Ганчарэнка не збіраецца вяртацца ў Екацярынбург і прадаўжаць працу з «Уралам».

Пра гэта напісаў у твітары тэлекаментатар Аляксей Андронаў. Кіраўнік агенцкай кампаніі «ProSports Management» Герман Ткачэнка, які, з ягоных слоў, дапамагаў Віктару Ганчарэнку весці перамовы, таксама пацвердзіў гэтую інфармацыю ў праграме «90 мінут плюс».

Беларускі трэнер пакінуў клуб і паляцеў у Менск 25 жніўня перад матчам з «Церак» (3:3). Прэзідэнт «Урала» Рыгор Іваноў выказваўся за вяртанне трэнера.