Пасля «выбараў» у Беларусі значна падаражэюць транспарт і сувязь
- 3.08.2015, 14:28
Тарыфы на паслугі сувязі плануецца павысіць на 40%, кошт праезду ў грамадскім транспарце - на 33%.
Гэта прадугледжана прагнознымі дакументамі на будучы год, якія распрацоўваюцца цяпер. Паводле звестак БелаПАН, чакаецца, што спажывецкія кошты ў 2016 годзе вырастуць на 12%. Пры гэтым дадаванне коштаў, якія рэгулююцца дзяржавай, у інфляцыю складзе каля 2%.
Тарыфы на паслугі паштовай і электрасувязі плануецца павысіць на 40%. Кошт праезду ў грамадскім транспарце Менска мяркуецца падвысіць на 33% - да 6000 рублёў за адну паездку.
Перавозка пасажыраў чыгуначным транспартам можа падаражэць удвая.
Тарыфы на жыллёва-камунальныя паслугі ў 2016 годзе плануецца павысіць на 5-7 даляраў у эквіваленце і індэксаваць штоквартальна з улікам змены намінальнага заробку.
Іншыя рэгуляваныя дзяржавай кошты (на паслугі ўстаноў адукацыі, дзіцячых дашкольных устаноў, лекі) у сярэднім у наступным годзе плануецца падвысіць на 10-12%.