Праз бомбу ў цэнтры Кёльна эвакуявалі тысячы чалавек

• 28.08.2015, 9:25

У гістарычным цэнтры нямецкага горада Кёльн была знойдзена бомба часоў Другой сусветнай вайны вагой блізу тоны.

Аб гэтым паведамляецца ў пятніцу, 28 жніўня, на сайце газеты Spiegel, піша Lenta.ru.

Невыбухнуўшы набой выпадкова выявілі на будоўлі працоўныя ўвечары 27 жніўня. Праз небяспеку выбуху ўлады перамясцілі з цэнтра горада некалькі тысяч чалавек. Давялося эвакуяваць турыстаў з буйнога гатэля і жыхароў першага шэрагу дамоў на беразе Рэйна.

Быў таксама перацяты мост Дойц і мост Гагенцолернаў. На небяспечным адцінку быў спынены транспартны рух, у тым ліку суднаходства па Рэйне.

Цяпер каманда сапёраў здолела абясшкодзіць бомбу, і жыхары могуць вярнуцца ў свае дамы, паведамляе выданне.